提示：本文共有 974 个字，阅读大概需要 2 分钟。
《泡泡糖飞船》粤语音频
泡泡糖飞船泡泡糖飞船04:44来自粤语故事故事内容
春天嚟喇，森林入便嘅咕咕鸟喺度叫：“布咕～布咕” ，小动物们听到咕咕鸟喺度叫就开始种地。
白兔仔种萝卜，马骝仔种花生，熊仔种粟米。狗仔嘟嘟乜嘢种子都冇，急到喺度流马尿。
佢挠下个头，摸咗下裤袋。咦？裤袋入便有块泡泡糖㖞，狗仔嘟嘟就将泡泡糖种喺泥入便。
白兔仔、马骝仔、熊仔见到狗仔嘟嘟种咗一块泡泡糖，哈哈噉笑。
调皮嘅马骝仔仲同狗仔嘟嘟作咗一首歌：“公鸡生蛋鼠食猫，狗仔嘟嘟种泡泡，粟米好食萝卜大，狗仔嘟嘟，乜都冇！”
就算啲小朋友点讲，狗仔嘟嘟都唔理会。
白兔仔同啲萝卜淋水，狗仔嘟嘟有样学样噉同泡泡糖淋水。
马骝仔同啲花生锄草，狗仔嘟嘟跟住同泡泡糖锄草。
熊仔同啲粟米施肥，狗仔嘟嘟又跟住同泡泡糖施肥㖞。
白兔仔嘅萝卜生出叶喇，马骝仔嘅花生苗蹿得好高，熊仔嘅粟米结出咗又长又大嘅嫩粟米。
但係，狗仔嘟嘟嘅泡泡糖连一啲要发芽嘅意思都冇。狗仔嘟嘟唔伤心，佢每日都同泡泡糖淋水、锄草、施肥。
秋天嚟喇，金色嘅树叶随风飘落，丰收嘅日子到喇。
白兔仔掹起咗一个好大嘅萝卜，十只白兔仔都抱唔过嚟；马骝仔挖出一粒大大嘅花生，花生壳就可以变成两只小船；熊仔摘咗一个好大好大嘅粟米棒，戙起身比熊仔仲要高。
但係狗仔嘟嘟嘅泡泡糖仲係一啲动静都冇㖞，狗仔嘟嘟继续同泡泡糖施肥淋水。
淋下淋下，突然间轰隆一声，地上嘅土裂开咗，冒出一个彩色嘅大泡泡，就好似一个特别大特别大嘅彩色气球！
彩色嘅大泡泡飘咗起身，向天空飞去。
“我种嘅泡泡糖生出嚟喇！”狗仔嘟嘟一手揸住个彩色嘅大泡泡都跟住漂咗起身。
白兔仔揸住咗狗仔嘟嘟嘅花尾巴，马骝仔揸住咗白兔仔嘅短尾巴，熊仔揸住咗马骝仔嘅长尾巴，彩色嘅大泡泡先慢慢噉降咗落嚟。
呢个彩色嘅大泡泡都几有用嘅。狗仔嘟嘟喺彩色嘅大泡泡下便绑住咗一个用竹条编成嘅大筐，筐边上围住一圈靓花花，又喺大筐下绑咗一条长长嘅绳。
边个小动物想去天上便睇一睇，狗仔嘟嘟就将绳放长，将彩色嘅大泡泡升上天空。
小动物们坐喺筐入便唱歌：“真好玩，真好玩，狗仔嘟嘟会种地，种出一个大泡泡，带住我哋天上转。”
呢下，森林入便嘅小动物们就有咗一部“泡泡糖飞船”。
故事结语
小朋友，听完呢个故事以后会唔会觉得好羡慕狗仔有咁大嘅飞船吖？
但係人哋经历咗漫长嘅等待先有今日，所以你哋做好事嘅时候都唔好放弃啊！
想了解更多精彩内容，快来关注粤语故事
看到此处说明本文对你还是有帮助的，关于“儿童故事《泡泡糖飞船》”留言是大家的经验之谈相信也会对你有益，推荐继续阅读下面的相关内容，与本文相关度极高！
